திருவடி தீட்சை - அக்னியால் ஞானஸ்நானம்

இயேசுவுக்கு ஞானஸ்நானம் வழங்கிய யோவான், ஜலத்தினாலே தான் வழங்கினார்! அப்போது அவர், "என்னிலும் வல்லவர் வருவார் அவர் அக்னியாலும் பரிசுத்த ஆவியாலும் ஞானஸ்நானம் வழங்குவார்" என்றுரைத்தார்!? அவர் யார்? இயேசுவே!? அந்த வல்லவர்! இயேசுவே கண்மணியிலுள்ள அக்னியால், அங்கு தவம் செய்து பிராண நீர் ஆவியாகப் பெற்று -அந்த அக்னியாலும் பரிசுத்த ஆவியினாலும் தான் எல்லோருக்கும் ஞானஸ்நானம் வழங்கினார்!!

இரண்டு மீன்களையும் 5 அப்பங்களையும் கொண்டு 5 ஆயிரம் பேருக்கு ஞானஸ்நானம் வழங்கினார்! 2 மீன் - 2 கண்கள் 5 அப்பம் ஐந்து புலன் - பொறி - பூதம் ஒத்த இடம் கண்! அதாவது ஜீசஸ் தன் கண்ணால் பார்த்துத்தான் எல்லோருக்கும் ஞானஸ்நானம் வழங்கினார்! கண்ணிலுள்ள அக்னியாலும் உள் உள்ள பரிசுத்த ஆவியாலும்தான் அனைவருக்கும் ஞானஸ்நானம் வழங்கினார்.

இயேசு கொடுத்த ஞானஸ்நானமே! வள்ளலார் கொடுத்த திருவடி தீட்சை! காலங்காலமாக இங்கே வழங்கி வருகின்ற சனாதன தர்மநெறி! மனிதன் மனிதனாக வாழ்ந்து இறைவனை அடையும் வாழ்க்கை நெறி! இதுவரை இந்த உலகில் தோன்றிய அத்தனை ஞானிகளும் உரைத்த உபதேசம் இதுதான்! ஒன்றுதான்!

 சரீரத்தில் கண்ணில் உள்ள சின்ன ஒளியை, தவத்தால் பெருக்கி, பேரொளியாக்கி, எங்கும் நிறைந்த பரம் பொருளோடு அந்த பேரொளியோடு - தேவனோடு சேரலாம்!

இதுவே
இயேசுவின் உபதேசம்!
அகத்தியரின் உபதேசம்!
முகமது நபியின் உபதேசம்!
வள்ளலாரின் உபதேசம்!

இதுவரை வந்த ஞானிகள் கூறியது இதையே!
இனிவரும் யாரும் இதைத்தான் கூறுவர்!
கூறுவதற்கு வேறு என்ன இருக்கிறது? கடவுளைத் தவிர!!!


நூல் திருவருட் பாமாலை நாலஞ்சாறு

www.vallalyaar.com

இயேசு எழுபது - அருள்வாய் ஏசுவே ( Book)

இயேசு எழுபது - அருள்வாய் ஏசுவே by Thanga Jothi on Scribd

இருதயத்தில் சுத்தமுள்ளவர்கள் பாக்கியவான்கள் - இயேசு

கண்மணி மாலை நூலிலிருந்து : 

28 🔥 இதைச் சொல்லவில்லை இயேசு. 🔥 

 இருதயத்தில் சுத்தமுள்ளவர்கள் பாக்கியவான்கள். 

அவர்கள் தேவனை தரிசிப்பார்கள் என்பது பைபிள் வாசகம். இதற்கு என்ன விளக்கம் ?     

❌ சாதாரணமான உண்மை அறியாத அப்பாவிகள். நாம் நெஞ்சத்தில் தீமை நினைக்காமல் நல்லதை நினைத்து வாழ்ந்தால் பாக்கியவான்களாகி தேவனாகிய ஆண்டவரை தரிசிக்கலாம் என்பர்.    - இதைச் சொல்லவில்லை இயேசு.             

❌  நமது நெஞ்சு இரத்தத்தை சீராக்கும் ஒரு உறுப்பு அவ்வளவே. 

 ஞானிகள் ஞானத்தைத்தான் முதன்மையாக சொல்கிறார்கள். அதை நாம் முதலில் புரிந்து கொள்ளவேண்டும்.     

👀   நமது கண்களில், வலது கண்ணில் சூரியன் உதயம் என்றும், இடது கண்ணில் சந்திரன் உதயம் என்றும், இரு கண்களிலும் இரு உதயம் என்றும் அதுவே இருதயம் என்றும் கூறுகின்றனர்.      

 👀  இந்த இரு கண்களில் இரு உதயத்தில் நினைவை செலுத்தி நினைந்து அழுது அங்குள்ள அழுக்காகிய மும்மலங்களை நீக்கி அதை சுத்தப்படுத்துபவர்கள் பாக்கியவான்கள். அவர்கள் ஆண்டவனை தரிசிப்பார்கள் என்றே விளக்கம், 

 🙏 சிந்தித்து உணர்க. 🙏 

 🔥விசுவாசம் கொண்டால்தான் இரட்சிக்கப்படுவீர்கள்.🔥

 
 இறைவன் திருவடிகளே நம் கண்கள்!! 

 - ஞானசற்குரு சிவசெல்வராஜ் அய்யா 

 www.vallalyaar.com

அக்னியில் ஞானஸ்நானம் - Baptize by fire

முதலில் யோவோன் நீரினால் திருமுழுக்கு ஞானஸ்நானம் அனைவருக்கும்
வழங்கினார். இன்று எல்லா சர்ச்சுகளிலும் ஞானஸ்நானம் வழங்கப்படுகிறது!
நீரில் மூழ்கி எழுவதா? அப்படியாயின் வல்லமை மிக்க ஏசு பெருமான்
தூய ஆவி என்னும் நெருப்பால் எப்படி  திருமுழுக்கு கொடுத்திருப்பார்?
நீர் ஆனதால் மூழ்கி விட்டீர்! தூய ஆவியாகின அக்னியில் மூழ்குவது எப்படி?

ஏசு பெருமான் யோவானை பணிந்து குருவாக ஏற்று அவரிடம் ஞானஸ்நானம்
பெற்றார்!  உத்தமர் ஏசுவின் இறைகுணம் அது!  தானும் அவ்வாறு ஞானஸ்நானம்
செய்விக்காமல் அக்னியால் ஞானஸ்நானம் எல்லோருக்கும் கொடுத்தார்கள்!
எப்படி இது தான் மிகப்பெரிய ஞான ரகசியம்!
 

ஆன்ம நேய ஒருமைப்பாடு உலகெங்கும் நிலவ!
சனாதன தர்மம் - சன்மார்க்கம் உலகெங்கும் தழைக்க!
உலக மக்கள் அனைவரும் ஒத்துக்கொண்ட ஏக இறைவன்!
அனைத்து மதங்களும் ஒப்புக்கொண்ட ஒரே இறைவன்!
எல்லாம் வல்ல எங்கும் நிறைந்த பேரொளி!!
அருட்பெருஞ்சோதி ஆண்டவரை உணர்வீர்!
மரணமிலா பெருவாழ்வு பெறுவீர்!

ஒரு தீபம் மற்றொன்றை ஏற்றும்போது ஒளி
பெறுகிறது!


வள்ளலார் வழி நடப்பவர்கள் மதத்திற்கு அப்பாற்பட்டவர்கள்
என்பதை நிரூபிக்கும் விதமாக நாங்கள் இந்த இயேசு எழுபது
நூலை வெளியிடுவதில் பெரு மகிழ்ச்சி அடைகிறோம்.

தேவ மைந்தன்! ஒப்பற்ற ஞானி! வாழையடி வாழையாக உலகை
உய்விக்க வந்தமகான்! இரண்டாயிரம் ஆண்டுக்கு முன் தோன்றிய
இறைத்தூதர்! அன்பால் உலகை வெல்ல வந்த அற்புதர்! அன்பால்
உலகை வெல்ல வந்த அற்புதர்! இயேசு பிரானின் மகிமை சொல்ல
வாய்ப்பளித்த எங்கள் வள்ளல் பெருமானுக்கு அனந்த கோடி நமஸ்காரம்.

-ஞான சற் குரு சிவசெல்வராஜ் 

www.vallalyaar.com