விண்ணுக்கும் மண்ணுக்குமாக பெருஞ்ஜோாதியாக துலங்கினான் இறைவன் அடிமுடி காணாமல் விஷ்ணுவும் பிரம்மாவும் சோர்ந்தனராம் ! அக்னி மலையாக இறைவன் திருவண்ணாமலையிலே காட்சிதருகிறார் ! அகங்காரங் கொண்ட தேவர்கள் முன்னும் ஒரு பெருஞ்ஜோதி மலை தோன்றிற்றாம் ! அம்பாள் தான் அங்கனம் பேரொளியாக தோன்றினாள் என்கிறது கேனோபநிஷத்து !
சிவபெருமானின் நெற்றிக் கண்ணிலிருந்து நெருப்புப் பொறியிலிருந்து தோன்றினவன் தானே சண்முகக் கடவுள் முருகப்பெருமான் !
🔥சிவனும் பொன்னார் மேனியன் ஒளிவிடும் தங்கஜோதியானவன் !
🔥சக்தியும் மாதுளம் பூ நிறத்தாள் ஒளிவிடும் தங்கஜோதியானவள் !
🔥முருகனும் சிவஜோதியில் பிறந்த ஒளிவிடும் தங்கஜோதியானவன் !
" ஜோதியே சுடரே சூழொளி விளக்கே " என்றார் மணிவாசகர் !
நம்மிலே நம் உயிராக தூண்டா விளக்காக, அணையா விளக்காக மணி விளக்காகவே துலங்குகிறார். இறைவன்! சிவனை சூரிய ஜோதியாக கூறும் அடியார்கள், விஷ்ணுவை சந்திர ஜோதியாக கூறுகிறார்கள்!
🔘" மின்னுருவாய் முன்னுருவில் வேத நான்காய் விளக்கொளியாய் முளைத்தெழுந்த திங்கள் தானாய் " என்று திருமங்கையாழ்வார் பாடியருள்கிறார்.
திங்கள் தானாய் - சந்திர ஜோதியாய் என்று பொருள் ! அர்த்த நாரீஸ்வரராக பார்த்தால், வலது சிவம் இடது சக்தி ! சங்கர நயினாராக பார்த்தால் வலது சிவம் இடது விஷ்ணு ! சிவம் பாதி சக்தி பாதி போல சிவம் பாதி விஷ்ணு பாதியே ! இதுவும் அனுபவ ஞானத்தால் உணரலாம் ! சிவன் ஆண் அம்சம் விஷ்ணு பெண் அம்சம் ! மோகினி அவதாரம் எடுத்தாரல்லவா ? திருநெல்வேலி அருகே சங்கரன் கோவில் எனும் ஊரிலே அர்த்த நாரீஸ்வரர் போல சிவசக்தி போல ஒருபாதி சிவனும் மறுபாதி விஷ்ணுவுமாக காட்சி தருகிறார்கள் ! 🔘
சைவம் தான் பெரிது வைஷ்ணவம் தான் பெரிது என வாதிடும் முட்டாள்களுக்கு அறிவுறுத்தவே இறைவன் இக்கோலம் கொண்டார் போலும் !!
" அரியும் சிவனும் ஒண்ணு அறியாதவன் வாயிலே மண்ணு " இது தான் ஞானம் !
எம்மதமே பெரிது சிறந்தது எம்மார்க்கமே பெரிது சிறந்தது என வாதிடும் முட்டாள்களுக்கு அறிவுறுத்தவே வந்தார் வடலூர் வள்ளலார் !
🙏🙏🙏 " எம்மத நிலையும் நின்னருள் நிலையில் சம்பதமே " சகலரும் சேர்ந்ததே சன்மார்க்கம் ! என் மார்க்கம் இறப்பொழிக்கும் சன்மார்க்கந்தானே என்று வள்ளல் பெருமான் உலகுக்கே வழிகாட்டுகிறார் ! வள்ளலார் சொல்வது ஏதோ ஒரு புதிய மார்க்கமல்ல !? யுகம் யுகமாக நம் நாட்டிலே நிலவி வரும் சநாதன தர்மமே ! உலக மக்கள் அனைவருக்கும் பொதுவான வாழும் வாழ்க்கை நெறியே ! சநாதன தர்மமே சன்மார்க்கம் !
வாழையடி வாழையென வந்த ஞானியர் திருக்கூட்ட மரபினில் 19-ம் நூற்றாண்டிலே வந்தவர்தான் திருவருட்பிரகாச வள்ளலார் இராமலிங்க சுவாமிகள் ! சன்மார்க்கம் என்றால் இது ஏதோ புதுவழி என்று எண்ணி விடாதீர் ! ஆதி காலம் முதலே நம் ஞானிகளால் இறைவனை அடைய காட்டிய வழியே இது ! 🙏🙏🙏
👁️🔥👁️ நமது உடலில், இருதயத்தில் கட்டைவிரல் அளவான இடத்தில் புகையில்லாத ஜோதியாக இறைவன் துலங்குகிறான் என்கிறது கடோபநிஷத்து ! இரு உதயமான சூரிய சந்திரனான இருகண்களில், நமது கண்தான் நம் கட்டைவிரல் அளவிலானது ! புகையாத ஒளிரும் ஒளியாக, கண்மணி மத்தியில் ஊசி முனை துவாரத்தின் உள் ஒளியாக துலங்குகிறான் இறைவன் ! உணருங்கள் ! 👁️🔥👁️
இறைவன் திருவடிகளே நம் கண்கள் !!
ஆன்மீகசெம்மல் ஞானசற்குரு
சிவசெல்வராஜ் அய்யா
வள்ளல்பெருமான் மலரடிகளே போற்றி !!
அனந்தகோடி சித்தர்கள் மகான்கள்
